Ганарымся

Віншуем вучаніцу 11 класа Лобан Лізавету з Дыпломам II ступені заключнага этапу рэспубліканскай алімпіяды па кітайскай мове.

Віншуем Лобан Лізавету, вучаніцу 11 класа, з дыпломам 2 ступені па выніках гарадскога конкурса даследчых работ у рамках ХІ гарадской канферэнцыі вучняў, секцыя "Кітайская мова", які адбыўся 20 студзеня 2021 года.

ІІ рэспубліканскі конкурс "你好, 中国!" праводзіўся на базе рэсурснага цэнтра грамадска-гуманітарнай скіраванасці "Цэнтр кітайскай мовы і культуры" і кабінета Канфуцыя РІКК БДУ ў дзяржаўнай установе адукацыі "Гімназія з беларускай мовай навучання №23 г. Мінска" ў рамках вывучэння кітайскай мовы і культуры.

У гэтым годзе мы прапанавалі вучням здзейсніць захапляльнае падарожжа па цікавых месцах Кітая і пафантазіраваць пра тое, куды б яны адправіліся ў першую чаргу, калі б давялося апынуцца ў Кітаі.

У намінацыі «Малюнак» дыплом 2 ступені атрымала Будзько Маргарыта, дзяржаўная ўстанова адукацыі "Гімназія з беларускай мовай навучання №23 г. Мінска".

За праектную работу «Кітайская славутасць, якую я хацеў бы наведаць» дыплом 1 ступені атрымала Манько Амелія, дзяржаўная ўстанова адукацыі "Гімназія з беларускай мовай навучання №23 г. Мінска", Міні-сачыненне «你想参观什么中国的名胜古迹?» (100 іерогліфаў).

Падведзены вынікі Міжнароднага конкурсу праектаў «Беларусь і Кітай: Мост у будучыню», які з чэрвеня па кастрычнік 2019 года праводзіўся навукова-метадычнай ўстановай «Нацыянальны інстытут адукацыі» Міністэрства адукацыі Рэспублікі Беларусь. Конкурс быў прысвечаны Году адукацыі Беларусі ў Кітаі і накіраваны на асобаснае і інтэлектуальнае развіццё маладых людзей праз выкарыстанне магчымасцяў сучасных інфармацыйных тэхналогій.

Да ўдзелу ў конкурсе запрашаліся вучні Беларусі і Кітая ва ўзросце ад 15 да 18 гадоў. На конкурс неабходна было падрыхтаваць праект (буктрэйлер, фотазамалёўку, прэзентацыю, сачыненне, нарыс, эсэ і г. д.) на адну з прапанаваных тэм па выбары: «Што я ведаю пра Кітай?»; «Чаму важна ведаць кітайскую мову?»; «У якой навучальнай установе нашай краіны я хацеў бы / хацела б вучыцца?»; «Мая будучая прафесія»; «Мае кітайскія сябры».

Усяго на конкурс было даслана больш за 300 праектаў удзельнікаў з Беларусі і Кітая.

Наша вучаніца Шахаб Рада-Шадзі Сіямак атрымала дыплом ІІІ ступені за сачыненне «Чаму важна ведаць кітайскую мову?».

Віншуем і ганарымся!!!

15 мая 2019 года прайшоў фінал 12-га Сусветнага конкурсу "Мост кітайскай мовы" сярод вучняў устаноў агульнай сярэдняй адукацыі Рэспублікі Беларусь у 2019 годзе, арганізатарам якога было Пасольства Кітайскай Народнай Рэспублікі, суарганізатарам конкурсу з'яўляўся Класс Канфуцыя Беларускага дзяржаўнага ўніверсітэта фізічнай культуры.

Конкурсная праграма фіналу складалася з наступных тураў:

1 тур - Тэставыя заданні пра традыцыі, культуру, мову і гісторыі Кітая.
2 тур - Конкурс прамоўніцкага мастацтва.
3 тур - Творчы нумар.

У фінале прынялі ўдзел нашы вучаніцы Таміліна Паліна (10 клас) і Лобан Лізавета (9Б клас). Таміліна Паліна была ўзнагароджана Дыпломам 3 ступені, Лобан Лізавета - Ганаровай граматай. Віншуем!!!

разгарнуць » / « згарнуць

Віншуем Белазёраву Елізавету, вучаніцу 11 класа, з дыпломам II ступені IX Рэспубліканскага конкурсу работ даследчага характару (канферэнцыі) навучэнцаў па вучэбным прадмеце "Кітайская мова"!

Віншуем Шаўцову Ганну Аляксандраўну, вучаніцу 11 класа, з атрыманнем граматы за высокі ўзровень валодання вусным маўленнем на кітайскай мове, прадэманстраваным на заключным этапе рэспубліканскай алімпіяды па замежных мовах.

Віншуем Таміліну Паліну Леанідаўну, вучаніцу 10 класа, з дыпломам III ступені у заключным этапе рэспубліканскай алімпіяды па вучэбным прадмеце "Кітайская мова"!

  Віншуем нашых вучняў: Волкава Пятра (дыплом ІІІ ступені) і Каравянскую Станіславу (дыплом за арыгінальную работу), якія прынялі ўдзел і перамаглі ў Рэспубліканскім конкурсе "Сучасны Кітай вачыма беларускіх дзяцей", які праводзіў Рэспубліканскі інстытут імя Канфуцыя БДУ.

  Віншуем нашых пераможцаў!!! Малайчыны!

Поспехаў Вам на рэспубліканскім этапе конкурсу работ даследчага характару!

  Віншуем вучаніцу 5 "Б" класа Піліпцэвіч Алiсу з атрыманнем міжнародных сертыфікатаў на здачу экзаменаў HSK і YCT. Ганаровы вынік - 190 з 200 балаў (HSK), 172 з 200 (YCT).

  HSK (або Hanyu Shuiping Kaoshi (汉语 水平 考试)) - гэта міжнародны стандартызаваны кваліфікацыйны экзамен па кітайскай мове (путунхуа) для асоб, якія не з'яўляюцца носьбітамі кітайскай мовы. Вынікі экзамену HSK прызнаюцца ва ўсім свеце.

  YCT (або Youth Chinese Test) - міжнародны кваліфікацыйны экзамен па кітайскай мове, распрацаваны Дзяржканцэлярыяй па міжнародным распаўсюджванні кітайскай мовы (Ханьбань) і прызначаны для праверкі ў школьнікаў, якія не з'яўляюцца носьбітамі кітайскай мовы, навыкаў выкарыстання кітайскай мовы ў жыцці і навучальных сітуацыях. Сертыфікат аб паспяховай здачы YCT з'яўляецца дакументам дзяржаўнага ўзору Міністэрства адукацыі КНР і адкрывае магчымасць для ўдзелу ў конкурсах стыпендыяльнага фонду Інстытутаў Канфуцыя, дае права паступаць у бакалаўрыят, дазваляе ўдзельнічаць у грантах на праходжанне моўнай стажыроўкі ў Кітаі.

Віншуем Сумараву Марыю з залатой узнагародай міжнароднага дзіцячага мастацкага конкурсу "Мая радзіма, мой родны горад" пры падтрымцы Шанхайскай арганізацыі супрацоўніцтва. Кітай.

Шаўцова Ганна, вучанiца 11 класа ўстановы "Гімназія №23 г. Мінска",

прымала ўдзел у мiжнародным конкурсе "Мост кiтайскай мовы і культуры" ў горадзе Кунмiн Кітайскай Народнай Рэспублікі, дзе атрымала сертыфікат на паўгадавую стыпендыю на моўныя курсы факультэта вывучэння кітайскай мовы любога ўніверсітэта. Віншуем!!!