Стварэнне і прымяненне ў адукацыйных установах ўсіх узроўняў навуковых, адукацыйных і развіваючых праграм, накіраваных на фарміраванне асэнсаваных адносін да талерантнасці як найважнейшай каштоўнасці грамадства, навучанне міжкультурнаму дыялогу становіцца адной з найважнейшых задач сучаснай школы. Вырашыць яе - значыць, шмат у чым вырашыць праблему міжнацыянальнай згоды. Сучасныя сусветныя працэсы інтэграцыі і глабалізацыі прыводзяць да росту інтэнсіўнасці судакранання культур Беларусі і Кітая. Дзяржаўнай установа адукацыі "Гімназія з беларускай мовай навучання №23 г.Мінска" стала своеасаблівым месцам сустрэчы дзвюх вялікіх цывілізацый - Беларусі і Кітая. Талерантнасць ва ўмовах узаемадзеяння дзвюх спалучаных ў адзінай адукацыйнай прасторы культур з'яўляецца адным з асноўных момантаў іх развіцця і суіснавання на ўзроўні агульнай сярэдняй адукацыі.
Кітай - гэта краіна са шматвяковай гісторыяй і багатай старажытнай культурай, якая развівалася тысячагоддзямі. Культурная спадчына Кітая ўключае ў сябе несмяротныя філасофскія думкі, непаўторную архітэктуру, вытанчаную паэзію, кухню і знакамітыя баявыя мастацтвы. Вывучэнне кітайскай мовы ў гімназіі неаддзельна ад вывучэння кітайскай культуры, паколькі вучні дакранаюцца не толькі да моўнага асяроддзя, але і культуры і побыту жыхароў Кітая. Культурны і адукаваны чалавек, наш сучаснік і суайчыннік, у тым ліку вучань, сёння паварочваецца да мінулага, праяўляе жаданне ведаць мову, звычаі, абрады, традыцыі народа, цікавіцца ўзорамі нацыянальнага адзення, нацыянальнай кухняй, разнастайнымі тэхнікамі ткацтва, вышыўкай, выцінанкай, побытам не толькі беларускага народа, але і народа, мову якога ён вывучае. Трэба толькі ўмела яму дапамагчы і накіраваць справу ў патрэбным накірунку.
Кітайская культура не толькі развіваецца, але і дзіўна мадыфікуецца з сучаснай беларускай культурай. Навучэнцы, пазнаючы аб Кітаі, як аб краіне з вялікай гісторыяй і цэлай нацыяй, праяўляюць цікавасць і да ўласнай культуры і гісторыі, ім хочацца таксама цікава і шмат распавядаць пра сваю краіну. А гэта і ёсць ўзаемадзеянне традыцыйнага і сучаснага.
Мэта:
Гімназія мэтанакіравана абрала прыярытэтным накірункам уласнай дзейнасці справу далучэння гімназістаў да нацыянальнай культуры і традыцый беларускага і кітайскага народаў і вызначылася з мэтай: ствараць неабходныя ўмовы для фарміравання ў вучняў патрэбы ў далучэнні да традыцый беларускага і кітайскага народаў і народнай культуры, прапагандзе і папулярызацыі іх, павагі да нацыянальнай спадчыны Беларусі і Кітая, пачуцця нацыянальнага гонару і патрыятызму.
Асноўныя задачы, якія гімназія ставіць перад сабой як перад беларускамоўнай установай з вывучэннем кітайскай мовы, гэта:
паглыбіць уяўленні і веды пра нацыянальную спадчыну беларусаў і кітайцаў, садзейнічаць станаўленню ўстойлівай цікавасці і павагі да народнай спадчыны, да роднай мовы дзвюх краін;
матываваць дзяцей дапраяўлення нацыянальнага самавыражэння;
забяспечыць узаемадзеянне прадстаўнікоў адукацыйнага працэсу з навакольным асяроддзем па вывучэнні спадчыны і гісторыі роднага краю;
пазнаёміць з гісторыяй, культурнай спадчынай і філасофіяй такой старажытнай краіны як Кітай;
асвойваць каліграфію, спасцігаць мастацтва танца, тэатра, спеваў і музыкі, займацца мясцовымі відамі спорту і кітайскім ушу;
забяспечыць якаснае і эфектыўнае навучанне школьнікаў кітайскай мове;
падрыхтаваць вучняў да здачы экзамену на міжнародны сертыфікат (YCT і / або HSK) не ніжэй 3 прыступкі Міжнароднай праграмы па навучанні кітайскай мове;
фарміраванне іншамоўнай камунікатыўнай кампетэнцыі вучняў па кітайскай мове.
Рэсурсны цэнтр грамадска-гуманітарнага накірунку "Цэнтр кітайскай мовы і культуры" на базе гімназіі – гэта канцэнтрацыя сучасных метадычных, матэрыяльна-тэхнічных, інфармацыйных рэсурсаў.
Гіпотэза. Дзейнасць рэсурснага цэнтра будзе садзейнічаць падрыхтоўцы кваліфікаваных выпускнікоў гімназіі ў адпаведнасці з патрабаваннямі сучаснага грамадства, калі арганізацыя, змест, формы і метады навучання забяспечваюць уключэнне навучэнцаў у адукацыйны працэс, ва ўзаемадзеянне адносін паміж настаўнікам і вучнем і накіраваны на фарміраванне камунікатыўнай кампетэнцыі, г.зн. здольнасці і гатоўнасці ажыццяўляць іншамоўныя міжасобасныя і міжкультурныя зносіны з носьбітамі мовы.
Для дасягнення пастаўленай мэты і вырашэння сфармуляваных задач выкарыстоўваюцца наступныя формы, метады і прыёмы работы Рэсурснага цэнтра грамадска-гуманітарнага накірунку "Цэнтр кітайскай мовы і культуры":
Рэсурсны цэнтр аснашчаны вучэбна-метадычнай літаратурай па кітайскай мове і культуры Кітая (больш за 1 тысячу найменняў).
Клас аснашчаны электроннымі вучэбна-метадычнымі комплексамі.
Высокакваліфікаваны выкладчыцкі склад (беларускія выкладчыкі і вопытныя выкладчыкі (валанцёры)-носьбіты мовы).
Удзел у разнастайных традыцыйных мерапрыемствах, якія праводзяцца ў Рэсурсным цэнтры "Цэнтр кітайскай мовы і культуры" і прысвечаны побыту і нацыянальнай культурнай спадчыне Кітая.
Правядзенне канікул у аздараўленчых лагерах з практыкай кітайскай мовы ў Кітаі.
Уключэнне ў адукацыйны працэс спецыяльнага курса па краіназнаўстве Кітая і курсу каліграфіі.
Выкарыстанне магчымасцяў дадатковай адукацыі (факультатыўныя і індывідуальныя заняткі, аб’яднанні па інтарэсах) для развіцця адораных і высокаматываваных навучэнцаў.
Бясплатнае навучанне ў ВНУ Кітая для лепшых вучняў.
Падрыхтоўка да здачы экзамену на міжнародны сертыфікат YCT і / або HSK.
Магчымасць працягнуць пасля заканчэння ўстановы "Гімназія №23 г.Мінска" вывучэнне кітайскай мовы ў Рэспубліканскім інстытуце кітаязнаўства імя Канфуцыя Беларускага дзяржаўнага ўніверсітэта на ільготных умовах.
Рэсурсны цэнтр грамадска-гуманітарнага накірунку "Цэнтр кітайскай мовы і культуры" вывучае, узнаўляе і прапагандуе кітайскую культуру і традыцыі. На працягу 7 гадоў вучні гімназіі святкуюць народныя святы традыцыйнага кітайскага каляндара: Чунь цзе (Свята Вясны), Свята ліхтароў, Дзень пасадкі дрэў (Arbor Day), Фестываль паветраных змеяў у Кітаі, Чжунцю - свята Месяца і ўраджаю, гадавіна ўтварэння Кітайскай Народнай Рэспублікі (National Day in China).У адпаведнасці з народнымі традыцыямі яны ўзнаўляюць песні і танцы, вітанкі, прыказкі і загадкі, узнаўляюць міфалагічныя вобразы ў гісторыі Беларусі і Кітая. Гімназісты ствараюць вырабы з тканіны, робяць касцюмы для тэатральных прадстаўленняў, аздабляюць кітайскае свята выцінанкамі і іншымі творамі выяўленчага і дэкаратыўна-прыкладнога мастацтва.
Заключэнне
Рэсурсны цэнтр грамадска-гуманітарнага накірунку "Цэнтр кітайскай мовы і культуры" – гэта месца жывога бытавання кітайскай культуры і мовы. Дзякуючы вывучэнню народных кітайскіх традыцый, вучні не толькі набываюць веды аб народзе Кітая, яго паходжанні, гісторыі, яны знаёмяцца з адметнымі рысамі і характарамі кітайцаў.
Разуменне менталітэту кітайцаў, іх мыслення, веданне іх духоўных каштоўнасцей, стаўленне да традыцый дасць магчымасць не толькі правільна інтэрпрэтаваць думкі, але і ў цэлым пераадолець культурны бар'ер, што з'яўляецца залогам паспяховых міжнародных адносін.
Выхаванне на прыкладзе нацыянальных беларускіх і кітайскіх традыцый у межах сталічнага мегаполісу дапамагае гімназістам усведамляць, што лепшыя якасці беларуса і кітайца, іх этнічныя рысы шліфаваліся на працягу многіх стагоддзяў і дайшлі да нашага часу як неацэнны нацыянальны скарб кожнай з краін, які мы павінны зберагчы і памножыць.
Наша ўстанова - адзіная ў Рэспубліцы Беларусь дзяржаўная ўстанова адукацыі, якая забяспечвае навучанне кітайскай мовы ў спалучэнні з выкладаннем прадметаў на беларускай мове.
Матэрыял работы мае практычнае значэнне для адукацыйнага працэсу. Матэрыялы работы могуць быць выкарыстаны ў раздзелах падручнікаў, вучэбных дапаможніках і курсах лекцый. Рэкамендуецца педагогам, кіраўнікам Рэсурсных цэнтраў па вывучэнні замежнай мовы.
разгарнуць » / « згарнуць